| 什麼是委屈?? 其實真係有點不明白, 點解好似樣樣野都係唔岩, 身邊好多事, 都係唔岩自己心意, 響我心入面, 好多野都好想講出黎, 只係, 我真係冇咩心機講出黎, 或者面對面, 真係對我黎講係一種壓力, 我已經好想好想收埋呢D 負面情緒, 自己搞掂就唔好搞咁多野啦, 又唔係咩大件事... 但係, 原來當一個人唔開心, 真係咩都唔可以做到...好似只可以等待下一個開心來到, 令自己開心返!!! 有時真係唔想煩, 就算講左自己有咩不滿又點? 想人改變嗎? 想人改變不如自己先改變想法, 將自己的不滿, 變成自己可以接受的, 咁樣算係最容易同埋最簡單的方法 今日睇完一本書, 都係講醫院同埋手術室的故事, 講到有關生離死別, 真係好感人, 工作也許真係好辛苦, 每日都有忙不完的工作, 一人分擔無限個cases...其實我地見得多, 都唔係冷血無情, 當身邊最愛的人要走了, 仍然堅強每天照顧對方? 無限的付出, 最後一刻你還會對他說什麼? 會對對方說「你辛苦了, 好好的到一個舒服的地方」?? 會承諾自己好好活下去, 叫對方不要擔心自己嗎? 一向都依賴著對方生活的每一天, 可能下一刻要面對分離的時候, 或者每天在家等你返去食飯的屋企人, 終有一天不在的時候, 我們會懷著一個什麼心情, 我們又會帶著什麼回憶.....病患真係人生一大酷刑, 對病者對病者身邊人是也, 但更令我們珍惜心愛的人 工作, 不停的重複重複, 其實好容易令自己麻目, 壓力亦令自己心情好多時都煩躁納悶, 成日都向身邊的人發脾氣, 其實是眼前好多野都唔滿意, 好想工作之餘樣樣事都合自己心意才對, 不應該仲要我繼續繼續忍忍忍.....辛苦, 真係好辛苦...... 放假, 應該開心才是, 可惜, 今晚覺得好委屈.....正能量, 我在尋找你, 出來吧, 好嗎? |
